【明報專訊】以內地居民為目標顧客群?新田邊境購物城，之前一直話今年8月開幕，結果拖足兩個月都未見進展。正當大家以為又要一等再等，Emily就八到購物城噚日終於攞到屋宇署批准，獲發俗稱入伙紙?「臨時佔用許可證」，睇嚟今次開幕有期喇。
購物城塊地皮，其實係由新地同恒地持有。購物城基金董事、立法會議員黃定光同Emily講，噚日確實收到入伙紙，聽日會處理開幕安排，經過30幾個月?辛勞可以鬆一口氣喇。
Emily睇番資料，新田購物城有成200幾個舖位，呎租介乎67至107蚊左右，聽聞出名?本地品牌都會進駐，好似G2000同埋莎莎化妝品等。為咗吸引本地後生仔女嚟幫襯，成個場會有兩成舖位會留畀大型運動品牌。