明星海鮮舫結業 沙田友打卡送別

【明報專訊】坐落城門河畔?沙田地標明星海鮮舫過埋噚日正式結束營業，下個月起由婚宴公司接手營運。唔少沙田居民同食客都去見證海鮮舫?最後時光，有人一家大細影相留念，亦有幫襯多年?沙田街坊話好唔捨得，之後要改去其他地方飲茶。 婚宴公司下月接手營運 唔少食客噚日專程去海鮮舫飲茶，又喺正門大堂影相。熟客譚太話，佢由敦煌到明星時期都成日去飲茶或晚飯，「個個星期都去」，知道結束營業?消息覺得無奈同唔捨得，「終歸都有分別?日子，呢度環境好靚㗎」。 陳先生一家專程到場「打卡」，佢話自己係沙田街坊，間中會同家人飲茶，雖然唔係常客，但知道轉手消息都有啲唔捨得，又話遲啲可能要轉去市中心幫襯其他酒樓，所以最後一日嚟食吓點心。 海鮮舫噚日人頭湧湧，到夜晚8點正式同食客講再見。Emily問過負責人，佢話晚市預約爆滿，「做到踢晒腳」，但就唔知生意額。睇番資料，海鮮舫係香港唯一用大理石興建?石舫，喺1988年建成，前身係敦煌酒樓集團經營?敦煌畫舫，到2002年轉由明星海鮮酒家承租，改名明星海鮮舫，下個月開始將會由婚宴公司會所1號有限公司（ClubONE）接手營運。