【明報專訊】被指係反清革命基地?屯門青山紅樓，之前不時傳出會清拆，發展局長今年3月宣布將紅樓定為暫定古蹟，為期1年，宣布7個月後，紅樓?去向有突破進展！發展局噚日提交?最新立法會文件顯示，政府同紅樓業主終於達成共識，業主同意保留紅樓，唔會拆，業主並喺上個月向政府申請維修資助，幫紅樓做維修工程。
申維修資助 料10年內不拆不轉讓
根據維修資助計劃?條款，業主喺做完維修後?10年內，唔可以拆紅樓，亦唔可以轉讓業權，政府就處理緊個申請，換言之，紅樓好大機會於未來10年唔使拆。
大館明年中開放部分設施
另外，明年原來有唔少歷史建築做完活化工作，以新面目示人。除咗之前塌樓?中區警署建築群（又稱「大館」）可以喺明年中開放部分設施，第3期活化歷史建築伙伴計劃下?3個項目，即係虎豹別墅、必列啫士街街市及前粉嶺裁判法院，都喺明年完工，分別作為中西樂訓練場地、香港新聞博覽館及香港青年協會領袖發展中心。
至於第4期?活化項目﹕大坑書館街12號、薄扶林舊牛奶公司高級職員宿舍、古洞何東夫人醫局，預計喺今個立法會年度內申請撥款，每個項目建設成本料四五千萬元左右，將分別作為大坑火龍文化館、薄鳧林牧場及生態研習中心。