2017-09-30
東方日報
【本報訊】政府研究以組合屋紓解房困，香港大學位於黃竹坑的新學生宿舍是其中一個試點，港大計劃興建兩幢十七層高作居住用途的宿舍，可提供一千二百廿八個宿位，人均居住面積約七十平方呎。所有鋼鐵製組裝單位會預先在工廠完成髹漆及鋪設膠地板，門窗、傢俬亦會預先裝好：「整個盒現場砌完，駁埋電源就可以住人」。港大指，組合屋「裝得就一定拆到」，項目作多層式永久發展，將興建主力結構牆、地基及電梯槽，料壽命可達最少五十年。
港大物業處高級工程經理朱耀樑透露，政府早於今年初向港大建造及基建創新研究中心了解「組裝合成」的建築技術，機緣巧合下，促成黃竹坑宿舍調整原設計，先行先試組合屋技術。
建築期少於四年 成本較低
朱強調，組合屋有別於貨櫃屋：「貨櫃屋有面積形狀限制，但組合屋係度身訂造，傢俬所有嘢甚至燈都做好晒，裝上去一開門就住得！」鋼鐵製單位在地盤平整及主力牆建成後，便會運到現場與主力結構焊接，上蓋工程時間因而可減半至一年，連同傳統地基工程，建築期可縮減至不足四年，地盤工人亦可大減最多九成。
朱表示，宿舍項目逾九成單位屬單人房，估計只需要三、四款預製單位，採用組合技術有先天優勢，因很多預製件是重複製作：「建築成本會平啲！」房屋署過去興建公營房屋時亦曾引入預製組件技術，但只限於牆身的兩維層面，組合屋則屬三維組件，可以進一步減低地盤損耗及建築廢料，工序減少亦可提高工地安全。
港大新宿舍位於黃竹坑港鐵站附近一幅天然斜坡，預計明年向立法會申請撥款，一九年初展開工程、最快二二年落成，建築成本至少約十億元。