【本報訊】三級歷史建築中環街市下月開始活化，守到最後的購物廊八間店舖昨交吉，地政總署派人接收吉舖。當中半數早前已遷出、並貼出搬遷啟事，其餘四間密鑼緊鼓清理貨物，把握最後一日半價酬賓，告別扎根超過廿載的地方。古玩店老闆楊先生不無唏噓，憶述開張翌年已接收舖通知，「收咗廿幾年，估唔到今次嚟真！」修理鐘錶六十載的容伯笑對時代巨輪，坦言開心中環街市終獲保留。
修錶容伯盼可重回開舖
原定七月底清場的大限延至昨日，但七十三歲的楊先生仍未找到新舖，「附近地舖租金三、四萬，樓上（舖）要搵人去更難！」楊的古玩店約一百五十平方呎，每月租金一萬一千元，雖然租金較高峰時下調三成五，但近年市道淡靜，利潤等同微薄工資，離場後貨物悉數搬回長洲家裏，再在社交平台出售清貨。
一生與機械錶結緣的容伯，今年八十九歲依然日日開舖。他稱六十五歲退休後曾短暫賦閒，「但愈嚟愈肥，悶到發慌」，最後與朋友合資在中環街市開鐘錶舖。近年即使子女勸退依然堅持，容伯稱全因對機械錶有感情，「有人嫌嗒嗒聲好煩，但我聽唔到都唔好瞓，有時連老婆都呷醋！」未來錶舖將搬到上環，但容伯始終希望中環街市活化後可重回舊地。
市建局指，因應商戶需要延期兩個月交吉，預計活化工程可於二一/二二年完成，屆時將提供大眾化貨品和服務，並透過顧問研究營運模式及商戶的合適組合。