2014-10-31
太陽報
「女大女世界」非必然，現今許多「九十後」同樣想做窩心兒女，與另一半上車置業後都想住近家人。今期Young Home主角Katrina住慣香港仔區，面對區內樓價飛升，將來希望於家人資助下，覓得居屋單位上車。環境不俗的漁暉苑較相宜細單位，自由市場價逾400萬元有交易。''屬港大的學生Katrina，將來Dream House想揀發展成熟，配套設備樣樣齊的香港仔區。該區雖然仍無港鐵接駁，但出入港島區仍算方便，加上Katrina想住近家人，揀在「主場」上車最好不過。
全兩房 實用率83%
「港島樓」始終樓價高昂，即使區內樓齡舊的單幢物業，入場門檻都要近400萬元，反而揀居屋屋苑會更企理些。
區內指標居屋漁暉苑鄰近香港仔大道，採屋苑式設計，保養尚算企理，首期若有家人「幫手」，Katrina供樓負擔不算重，可考慮入市。
漁暉苑雖為居屋，但出入便捷，鄰近商場、海旁及香港仔大道等，名氣不遜於區內私樓。
漁暉苑開則簡單，全為兩房間隔，實用面積只有419及384方呎兩種，實用率更較不少私樓優勝，達83%。單位普遍以長廳開則，睡房有方形及長形設計，全屋無窗台，擺位更靈活。
鄰近旺區 配套齊備
漁暉苑附近即使有住宅包圍，景觀仍不俗，除樓景外，高層戶可享山景或少量海景。當然此類單位樓價較貴，未必划算。
住慣原區，要應付日常所需對Katrina來說不算困難，香港仔大道是區內最熱鬧的地方，商舖、食肆齊備，衣食住行問題不大。鄰近海皮位置有香港仔海濱公園，消閒散步均可。
六個放盤 叫價貼市
世紀21嘉聯董事林泰和表示，漁暉苑知名度高，間隔實用，有許多上車客垂青，成交平穩。
盤源少 影響交投
不過，該屋苑近月買賣盤源少，十月份僅錄2宗自由市場成交，實用呎價逾9,000元。
市場現有5至6個買賣放盤，一般自由市場叫價逾400萬元至450萬元，屬市價水平，入場最抵的兩房戶，景觀較遜，一般只能享街景及樓景。