落第的購買力變天之驕子

信置（0083）突然以低市價三成開售觀塘裕民坊凱滙，成績驕人，一Q清枱之後還是一Q清袋，有年輕朋友連續兩次落第，到了第三次已經信心盡失，問我在信置內部識唔識人，可不可以幫他，最低限度畀一個機會佢去揀樓？年輕朋友未買過樓，不知道現在買樓的程序是相當嚴謹，叫信置內部人士幫忙，連提都唔好提，否則有可能被邀請去飲咖啡。 新盤吸走購買力 逼二手業主減價 年輕朋友話如果第三次都抽唔到，他應該怎樣做，我話值得恭喜，因為凱滙makes your purchasing power great again，當第三次仍然抽不到，代表有千多個實在購買力已經買了凱滙，市場上少了那一批購買力，剩餘的購買力反而會變成天之驕子，打算賣樓的業主因為沒有足夠購買力，唯有減價才可以將單位賣走，現在剩餘的購買力可以慢慢睇慢慢揀，根本不用自己鋤價，凱滙無形中逼那些打算賣樓的業主減價。 凱滙成功，一定會有其他地產商效法跟隨，劈價賣樓就會變成新常態，市場上的購買力就會被新樓盤吃掉，剩餘的購買力反而有更大的議價能力，話唔定可以用非常優惠價錢買到非常優質單位。所以，抽唔到或者揀唔到合心水單位的人不應氣餒，或者這是他們的福份，可以從二手巿場上揀到適合自己的單位。 倘遇合適單位勿猶豫 有一件事買家一定要留意，當打算買樓的人在市場上揀到適合自己的單位，就千祈唔好猶豫，或者擔心樓價會繼續下跌，老實說，誰人都不敢保證樓價是否會繼續下跌，但如果不下定决心買樓，就永遠都無機會買到樓，現在是買家時間，買到新樓固然是好，買唔到更好，但如果不在這段時間買到適合自己的單位，即是捉到鹿唔識脫角，好都變成唔好。