2026/11/17
湯文亮
星期一早上去到茶餐廳,有客人話今次捉到鹿脫唔到角,有一座舊樓,客人擁有60%業權,有地產商收購,價錢非常好,但有一個持有超過20%業權的業主不接受,眼白白錯失良機,究竟有冇辦法令那名業主接受收購。
股市「先公後私」冇用
老闆話,既然那名業主不接受收購,咁就大家一齊科水搞好座舊樓,裏裏外外,包括水喉電梯全座翻新,千祈唔好慳,費用根據業權攤分。
如果那名業主唔想出錢,唯有賣走自己的業權份額,這個方法叫「先公後私」,首先要做公家嘢,最後就是私了。
客人又問,如果在股票市場,有上市公司打算私有化,但小股東唔贊成,咁又可以點做,可不可以「先公後私」,擴大公司投資,搞到公司負債纍纍,逼小股東賣股,最後是私了。
提出大折讓供股
老闆話「先公後私」是冇用,甚至會令人覺得大股東公報私仇,應該用先供後私,大股東要求供股,最少都要「1供10」,而且大幅折讓,令到小股東供又唔係,唔供又唔係。
供完之後搵個時間提出私有化,咁樣應該可以水到渠成。如果唔得就再供一次,一定可以私有化。
(本網發表的文章若提出批評,旨在指出相關制度、政策或措施存在錯誤或缺點,目的是促使矯正或消除這些錯誤或缺點,循合法途徑予以改善,絕無意圖煽動他人對政府或其他社群產生憎恨、不滿或敵意)
▸更多文章:投資心得文章 | 湯文亮 紀惠集團行政總裁
(文章內容純屬作家個人意見,並不代表本網頁立場)