2026/11/10
湯文亮
星期一早上去到茶餐廳，聽到有客人話手上有一些Nvidia（英偉達）（美：NVDA）股票，唔知是否應該賣走，因為創辦人兼個人大股東黃仁勳承認出軌，而出軌對象是有業務來往，就算唔牽涉秘密交易，股價一定會受壓，所以，賣走股票應該是正確做法。
分析師建議買入 當然有自身理由
老闆話，本來名人出軌閒過立秋，正是吹皺一池春水，關你乜事？在香港，傳媒根本不會報道，畢竟是別人的家事，大不了是離婚，但如果是受報道影響而離婚，傳媒反而會被人話破壞別人家庭，不如報道樓市下跌，投資者輸到仆直仲好，起碼無孭鑊。
台灣股市在10月6日去到高位，到11月6日下跌了20%，Nvidia股價亦是在10月6日去到高位，到11月6日下跌了22%，可以講與台灣股市同步。但消息傳出之後，盤前已經跌了2%至3%，估計台灣股市就算星期一反彈，Nvidia仍然會下跌，畢竟投資者唔會立危牆之下，萬一個人大股東被美國要求去國會解釋，甚至要辭職，股價一定會受壓，就算唔賣都唔會買。
有客人話，不過美國33個分析師，全部都話強力買入，仲話股價會升73%，究竟應唔應該買？老闆就話，分析師建議別人買，他們並沒有話自己買，整單嘢仲有可能涉及內幕交易，分析師的建議當然是有他們的理由，但買唔買就自己決定。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
