《投資似賭錢 唔落注無得賠》

星期三早上去到茶餐廳，有客人話去年樓市低潮，睇啱一個物業，有一個老友話有興趣，問可不可以夾份，他佔三成，客人當時話街外錢，無問題，有錢齊齊賺，但朋友從來沒有出資，叫過幾次都無反應，以為老友無興趣，件事不了了之。近日客人將物業賣走，賺了買入價三成，有600多萬元，但突然收到一封律師信，要求分三成利潤，仲話當時雖然沒有簽任何協議，但是口頭協議也是協議。

老闆話，口頭協議的確是協議，但關鍵不是口頭協議，而是出資，如果無出資，有協議都無用，「no pain no gain」這個道理，生意人同賭徒都唔明白，唔落注邊度有得賠。好似最近夾錢買六合彩件事，有人在領獎之後失蹤固然是不智，不過，那人即使犯法，甚至要坐監，但亦不影響他獲取獎金權益，但是夾錢的一個族群，有一些已經退了群，在中獎的那次投資並沒有出資，唔應該可以攞到獎金，如果那些沒有出資的人要求分錢，真係出晒醜。

好多人以為同人夾份投資，可以用把口講吓，贏咗就要求分錢，輸咗就「側側膊」，其實，現實是剛好相反，贏咗會畀人話沒有出資、沒有收穫，輸咗就會畀人追數，「揸fit人」會話，口頭協議也是協議。