2026/09/08
湯文亮
星期一早上去到茶餐廳，聽到有客人話昨日同內地朋友入馬場睇跑馬，內地朋友雖然是小賭怡情，但表現十分興奮，他們仲話，未入過馬場睇跑馬，都唔算嚟過香港。
老闆話，賽馬是香港一項優質產業，可以與教育相提並論，而且兩者都是貴族與平民共存，香港的大學有不少學子都是基層，但無阻他們在校內活動及學業，有錢學生並不會受到特別照顧，跑馬也是一樣，有錢佬與平民百姓都可以投注，睇跑馬，賠率也是一樣，唔會賠有錢佬多啲錢。
前一日投注金額雖然沒有破紀錄，但旅客入場人數大增七成，賽事焦點馬王嘉應高昇不但大勝第二名7個馬位，並且破自己紀錄快0.99秒奪冠，不過，唔好以為睇跑馬就可以滿足內地人士，他們希望能夠在馬會食飯，老實說，不少香港賽馬會會員都非常唔得閒，因為要招呼來自內地老友，旅行社應該與馬會合作，不但搞一些睇跑馬活動，最好能夠在馬會食飯。
我曾經試過在北京宴客，由於訂唔到高檔餐廳，唯有在北京馬會請客，想唔到不知幾受歡迎，由此可見，香港賽馬會這個招牌在內地是很響，只要用得適當，一定會為香港吸引不少旅客及投資。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
