《林肯號埋岸 小心SpaceX股價》

星期四早上去到茶餐廳，有客人話，美國航母林肯號在海上執行任務286日，終於可以停泊泰國芭堤雅，船員可以上岸玩餐飽，不過唔可以去紅燈區。想唔到美國咁保守，船員去紅燈區都唔可以，幾十年前有套戲叫《蘇絲黃的世界》，都是講美國大兵去紅燈區，現在反而保守咗。究竟林肯號執行什麼任務，搞到唔准船員上岸？

老闆話，唔係美國唔准，而是泰國唔准林肯號船員去紅燈區，其實是擔心船員在翻雲覆雨後，發覺面前的靚女與自己同性，咁樣就大件事，倒不如禁止大兵去紅燈區。

林肯號不是執行軍事任務，而是測試人類是否可以長時間太空旅行，今次任務名稱可以叫「宇宙25號」人類版。在1968年，美國進行「宇宙25號」實驗，在足夠空間、食物、水源之下，老鼠是否可以長時間在一個封閉空間生活。實驗棲息地老鼠設計容量是4000隻，但老鼠數量密度在2200隻時達到頂峰，不再增長，而老鼠開始出現異變行為，例如拒絕求偶等；到600日後，老鼠只顧自己，喪失了社交技能，科學家給老鼠一個外號叫「美麗鼠」；由於失去繁殖能力，1500日之後，整個鼠群滅亡。老鼠都唔可以長時間在一個封閉空間生活，人類又點可以。

今次林肯號離岸286日之後埋岸，主要是艦上有士兵出現異常情況，與當日的老鼠實驗相若，美國政府唔敢將實驗日數延長至600日，恐怕艦上官兵由美國人變成「美麗人」。

實驗證明，人類亦唔可以長時間在一個密閉空間生活，影響最大就是標榜太空探索的SpaceX（美：SPCX），300日或者已經是人類極限，在浩瀚宇宙，300日航行算什麼，所以要小心SpaceX股價。