《對手公司愈蝕錢愈容易做生意》

星期一早上去到茶餐廳，有客人話上星期同一個新客戶傾生意，從旁人口中知道，那個客戶年年都蝕錢，新揸fit人要追返條數，生意一定好難傾，但傾落又唔係咁難，已經準備一些讓利細節，最後都唔使用，生意雖然唔可以講水到渠成，但進展非常良好，應該可以做到生意。

老闆話，一間蝕大錢的公司，愈容易做生意，因為新揸fit人並不是要求生意大賺，只是小賺甚至打和都可以算合格，或者小蝕當賺，只要公司可以繼續營運下去，最好是業績好過以前的揸fit人便可以。不過，要留意一點，新揸fit人一定有一些御用公司，不但要與那些公司做生意，更加要懂得讓利，咁樣才可以水到渠成。

美國似一間勁蝕公司

老闆真係講得無錯，美國好似一間蝕緊大錢的公司，美債愈滾愈大，現在的美國總統已經很少提及美債問題，只要有人繼續買美債，維持美國國力，以及日常開支，便可以算是一個稱職總統，而事實上美國總統及其團隊，一定有一些御用公司，例如軍工複合體，只要同那些公司做生意，便可以得到美國照顧，賺更多的利潤，不過就要買返多少美債。至於美國的國債愈滾愈大，這是美國自己的事，其他人唔好批評，只要相信，美國政府一定可以搞掂，美債是沒有問題。