2026/08/21
湯文亮
星期四早上去到茶餐廳，有客人話打算租一個單位，但與業主要求的租金有一成距離，試過賣慘，仍然不能成功，佢問有乜辦法可以令業主接受低一成租金？
老闆話，如果有一個客人話每日食一個早餐，預付一個月費用，不過要九折找數，他立刻應承。由此可見，預付是一個殺手鐧，不但可以達到目的，並且可以減少支出。
1年交1次租 已失「租」的意思
客人話收到，佢立即會同代理講，他預付一年租金，不過要求業主減租一成，老闆提議的確可行，不過，以後會有反效果，業主租樓會要求租客預付一年租金，唔得再降為半年或季租，最後才降為月租；所以，只能付月租的租客，慢慢地會覺得租樓好困難。老實說，如果住宅單位每一年交一次租，已經失了「租」的意思。
那些交年租的人對租金亦有影響，如果年租是現租金九折，數字上會令人誤會租金急速下跌一成，對樓市亦非好事。這不是因為我是投資者，唔想租金下跌，而是打算買樓的人睇唔到真正租金，以為租金下跌而拒絕買樓，直至業主要求他付年租才醒覺，租金下跌只是月租變成年租。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
