《匯控表現 沒出人意表》

星期一早上去到茶餐廳，有客人話周末替自己所投資的股票埋單計數，發覺最重傷就是在去年10月9日，匯控（0005）私有化恒生銀行的時候，聽評論員話，恒生匯豐都有大量地產投資者壞帳，建議不持有，當日匯控收市價104.3元，比對上一日下跌6.3元，客人話立刻將匯控賣走，上星期五收市價161.2元，表現出人意表，客人話真係骨罅都赤。

投資者唔死 銀行唔會死

老闆話，無論匯豐或恒生，地產壞帳其實都唔係咁嚴重，就算銀行有損失都是很少，最大問題是不少投資者未能補估價下跌差額而畀銀行call loan，最壞情况就是銀行將投資者物業以銀主盤出售，所得款項大多數都可以還清銀行貸款，預測的巨額撇帳並未出現。所以，匯控股價節節上升，不少人認為，樓價跌四成，投資者仲唔死，其實，投資者只是問銀行借了四成，跌了四成，的確很傷，但仲未死得，投資者唔死，銀行又點會死。

全世界都關注銀行向物業投資者call loan，其實，銀行亦會向銀行「call loan」，所以恒生才會被匯控私有化。不過，這不是恒生問題，而是恒生客戶問題，由於恒生客戶未能補足差額，最終令恒生被匯控私有化。

歸根究柢，壞帳唔係好似YouTuber講得咁多，如果真係，恒生點會溢價33%被收購，而匯控又大升接近六成，匯控表現並沒有出人意表。