2026/08/07
湯文亮
星期四早上去到茶餐廳，有客人話佢昨晚放工回家，佢老婆問點解唔同朋友出去飲杯嘢，甚至食埋飯才返屋企，客人唔敢回答。俗語話這叫做轉死性，可能是命不久矣先兆。
後來客人忍唔住問佢老婆，原來，佢老婆有一個朋友，一向妻管嚴，放工要立刻返屋企，就算公司搞聚會都唔准參加，最近公司優化架構，雖然工作能力不俗，但仍然被炒，最慘係被炒之後，因為以前同業界太少聯繫，連搵工都唔識。所以客人老婆現在叫佢放工後與同事飲杯嘢，了解一下行情，唔好咁早返屋企，同時，客人老婆又可以同朋友聚會，消費一下，振興香港經濟。
老闆話，希望香港太太可以睇通，100年前日本女人已經咁樣做，老公放工後立刻返屋企，係會俾老婆鬧，外人解讀為老公咁早返屋企，即是喺公司不被重視，老婆在左鄰右里中會無晒面。其實，這不是面子問題，而是生存問題，遇上公司裁員，上司都唔會建議裁掉經常同自己飲嘢的下屬，最早被炒的一定是返屋企食飯的同事。
香港太太反其道而行，經常向友人炫耀老公日日都返屋企食飯，唔准亂使錢，其實咁樣講即是沒有為香港經濟盡一分力。所以，港太應該多鼓勵丈夫多出外消費，經濟繁榮是建築於消費之上，咁樣做才算對香港負責。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
