2026/07/16
湯文亮
星期三早上，睇完西班牙上後去跑步，然後去茶餐廳，見到有人問老闆是否願意割愛，將自用茶餐廳賣走，不過，買家要有高回報。
老闆話如果5厘回報都可以考慮，於是講咗租金出嚟，那人話租金太高，買家可能畀唔到5厘回報，於是不了了之。
老闆的確係行家，知道如果一個舖位業主，打算賣走自用舖位，要長時間佈局，首先要做一張超高租金租約，租約到期續租，如果有買家有興趣，他第一件事就會睇交租紀錄，紀錄無問題，買家的信心就會大一些。雖然有人話，既然是自己舖，點解要畀咁高租金，老實說，高租金只不過是左手交右手，荷包兜肚而已，唔會蝕底。
有一些業主的確會將租金壓低，甚至低過市價好多，當打算賣樓時就會對代理講可以提供保證回報，買家就會諗，舖位根本不值咁多錢租金，不過業主提供保證回報，超出的部分很不實在，就算鍾意都會壓價。所以，自用舖位一定要做一張非常高租金的租約，到期繼續續租，有必要時賣舖都可以賣高很多。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
