《細路Happy 香港Happy》

星期三早上去到茶餐廳，發覺氣氛很好，以為大家贏了波或者有客人的子女入到名校中學，請大家食早餐，但原來係有一個細路升中派位入到心儀的九龍華仁書院，不停講Happy，甚至唱埋Happy歌，連記者都受到感染。除了記者之外，不少香港人亦戥那位細路開心。

老闆話，香港已經好耐無試過大家一齊咁開心，傳媒經常妄自菲薄，引喻失義，不但睇小自己，並且經常引用一些例子來報道一些負面消息。以樓市為例，樓宇買賣，一定有賺有蝕，但傳媒只會報道蝕本新聞，至於賺錢的就很少報道。在外人來看，香港樓價不斷下跌，香港人苦不堪言，其實，樓價只是升後跌，升了一倍，跌返兩成，業主仍然有不俗利潤，唔係傳媒講得咁慘，當然，如果近幾年入市而又一定要賣樓的業主，的確是蝕了很多錢。

老實說，細路入到名校咁開心，首先講一件事，一個普通市民的子女，即使讀普通小學，仍然有機會入名校，其次是學生知道，只要入到名校，DSE或者IB的成績不錯，就會入到名牌大學，前途是一片光明。細路知道以後的道路是掌握在自己手裏，所以咁開心。

如果不是有細路單嘢，唔知傳媒會不會搵一些入唔到自己想入的中學學生做訪問，然後話那些學生對香港的教育制度非常失望，他們非常unhappy，真正是妄自菲薄，引喻失義。