2026/06/23
湯文亮
星期一早上去到茶餐廳，有客人問我，去年物業投資的生意很差，但又聽唔到我呻，唔通我無受影響。客人太睇得起我，我同其他物業投資者都是一樣，去年的壓力是很大，今年唔係無，而係好番啲，不過，革命尚未成功，同行仍需努力。
客人話，點解我唔拍YouTube，講吓物業投資慘况，我話不但得唔到別人同情，甚至會俾人話有咁耐風流，有咁耐折墮，拍YouTube講慘况，弄巧反拙而已。
正如若食肆生意唔好，拍條YouTube賣慘，不但唔會有人為此而幫襯，甚至會令到打算幫襯的人唔去，理由是無人幫襯，不外乎食物唔好，招呼不周，或者價錢不合理，既然無人做冤大頭，點解自己要去做。所以，拍YouTube賣慘會弄巧反拙，消費者是扶旺不扶衰。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
