《成熟而又有活力的「狂牛」》

星期六早上去到茶餐廳，有客人話在過去三屆，在揭幕之前，我都能夠準確預測阿根廷、法國同埋德國奪得冠軍，今屆打完揭幕戰，我仍然未講邊隊可以奪得冠軍。

其實凡事不過三，我已經準確預測三次，冇打算預測今屆邊隊可以奪標，既然大家問到，我又唔介意講，不過老實說，信心不及往年，今屆世界盃有一個特點，傳統強隊的球員，有很多都是打埋今屆世界盃，換句話說，他們已經過了運動員最佳時間，以C朗為例，他已經41歲，打一兩場好波還可以，但是打世界盃，由初賽打到決賽，要打足8場，對於一個41歲足球員來說，根本很難做到，連續性比賽是老將剋星，但傳統強隊又唔係有咁多後起之秀，所以，要奪冠唔係咁容易，不過，打入32強、16強又唔係咁困難。

48隊中有一隊沒有青黃不接的問題，這就是號稱狂牛、剛在2024年奪得歐洲國家盃的西班牙， 成熟而又有活力，就是奪冠的本錢，不過，我揀西班牙除了實力之外，西班牙人夠正義感，首相及不少議員夠膽對以色列的侵略行為發聲，甚至不容許美軍使用西班牙美軍基地對伊朗發動轟炸，行軍打仗，正義之師贏面較大，踢足球都唔例外。