Your browser does not support JavaScript! In order to see this website, please enable JavaScript!
我們偵測到您的瀏覽器不支持JavaScript!為了可以使用本網站,請開啟JavaScript!
二月 21, 2024 星期三 間有陽光 28° 72%

十萬個感恩

 
     
2018/11/16 杜鳳儀
感謝平台負責人俾我機會同好大自由度跟大家分享工作的經歷, 專欄最初構思係想分享一些商業保險嘅理賠個案同購買時,客戶需要注意嘅地方, 各大寶號條款有d乜嘢唔同. 但過去嘅兩、三個星期, 筆者家人突然有d唔舒服, 走咗去揾外科專科教授檢查身體, 中間每日發生嘅經過, 好想借這個機會同大家分享. 先講下主角背景同生活習慣, 男性年約40多歲, 擁有專業執業資格, 每日早上6點多起床, 8點半左右就到公司上班, 平時飲食清淡, 主要食菜、魚, 除了非去不可的應酬, 晚上6點回家食飯, 約9點就去游水, 之後大概10點半左右瞓覺, 由40歲開始就每年都定期全身體檢. 事發經過响早兩、三星期, 家人覺得食完晚飯就經常有點消化不良嘅感覺, 到第二天早上, 就去咗揾外科專科教授檢查, 教授話剛剛三、四個月前才做過胃、腸內窺鏡檢查, 乜事都冇, 咁唯有做MRI(磁力共振)睇下發生乜事啦, 做完第二日報告一出, 醫生已經即call他, 因為發現右邊近肝膽位置有陰影, 建議立即入院再做CT scan(電腦素描), 報告顯示有一個4、5cm嘅物體, 跟住第二天又抽血檢測, 看看癌細胞指數(CA19.9)有幾高, 點知結果竟然超過1000, 正常人應該是5或以下, 晴天霹靂! 種種跡象加起嚟已經有不詳預感, 跟住第三日再做埋PET scan(正電子素描)看看有沒有轉移跡象, 因為如果有轉移的話, 連做手術切除嘅機會都可能冇, 成件事就完旦了. 係嗰星期, 筆者同家人就好似坐過山車咁, 一浪接一浪, 日日收到越嚟越差嘅消息, 點算好?不幸之中嘅大幸, 結果只有一個地方懷疑係轉移, 註院教授表示應該可以做手術切除, 手術費用超過100萬. 其實響嗰段期間, 筆者同家人已經搵到業界公認 ‘ 夢幻組合’醫療團隊嘅醫生應診, 感恩這四位名醫都答應幫忙做手術, 經過商議, 決定搵手術高明嘅其中一人做主刀, 這位仁醫, 不但幫忙立即安排做手術, 更加沒有趁你病、攞你命, 手術費足足平咗註院教授所講嘅接近4成, 兼且他對手術有信心, 俾到好大嘅安慰我哋. 今次經歷, 筆者有好大體會, 由開始發生事至今, 一直都有太多嘅感恩, 感恩家人警覺性高, 及時積極去做各種檢查, 未至於危及性命, 感恩家人早年已經準備好高端醫療儲備, 面對高額嘅醫療費用, 完全冇壓力, 可以爭取時間專心去搵最好嘅醫生處理, 感恩自己響行內工作多年, 對各專科醫生背景略知一二, 可以用最短時間搵啱醫生, 對病情控制有幫助, 感恩主刀醫生宅心仁厚, 原本預計要六小時嘅手術縮短至三個多小時完成, 令响手術室門口一直等結果嘅家人鬆一口氣. 筆者在此再一次萬分感謝主刀醫生跟他嘅醫療團隊, 香港有你哋一班咁專業嘅醫護人員確實係病人福氣. 這篇分享出街時, 家人已經剛出院回家休養, 事情就暫時告一段落, 嚟緊嘅5年時間就交托俾醫生術後跟進. 最後, 呼籲未有醫療儲備嘅讀者, 真的認真考慮購買, 尤其係現時嘅高端醫療計劃, 面對突然而來嘅惡疾, 冷不防一百幾拾萬嘅醫療費用, 起碼少一份財務壓力.
(文章內容純屬作家個人意見,並不代表本網頁立場)
贊助