《賒開唔賒 其實唔想做你生意》

五一假期早上去到茶餐廳，有客人話一向幫襯一間酒樓，埋單是月結，而且仲有折頭，但最近收到酒樓通知，以後取消月結，而且仲唔會有折頭，客人自問，交數很準時，收到月結單之後立刻用現金找數，至於折頭，只不過是畀信用卡公司的服務費而已。

老闆問，酒樓近日是不是很好生意，所以唔再賒數，因為賒數的大多數是長客，正所謂長客少闊客，唔會叫貴價菜式，所以，好生意的酒樓唔歡迎長客，叫長客人走人最好方法就是不再賒數，長客會覺得係一種侮辱，唔會再去那間酒樓，酒樓冇生意梗係歡迎那些月結顧客，生意多咗就難講。

特朗普怪責西班牙及意大利在美伊戰爭中沒有為美國提供協助，打算從兩國撤軍，其實美國若真的撤軍，便正中西意兩國下懷，兩國已想美國撤軍好耐，但唔知點樣開口，唔為美軍提供協助，其實同賒開唔賒差不多，美國有啲骨氣都會從西班牙及意大利撤軍。唔提供協助是消極形式，好似賒數一樣，德國就比較直接，總理默茨最近與特朗普不咬弦，又話對伊朗戰爭沒有戰略，激到特朗普紮紮跳，立刻從德國撤走5000名美軍，所以唔提供協助作用不大，要直接拒絕那些找數唔準時的客人，逼他們不再幫襯。