《倘警察做了賊 不能怪警務處》

星期三早上去到茶餐廳，有客人因為買了「道士股」，輸了很多錢而怪罪於我。老實說，我的確唔明白，那隻「道士股」我根本唔了解，亦從未試過推薦比任何人，輸了錢的人又怎能怪我。

客人話我曾經撰文叫港交所（0388）學孔子有教無類，對申請上市的公司唔好咁嚴，其後「道士股」借殼上市，現在佢輸錢，我是否應付責任？老實說，今次真係無妄之災，我撰文時港交所IPO全世界排第六，仲衰過印度，現在與紐約排第一及第二。理論上有教無類是無錯，就算上市嚴謹，有不少公司在上市後立刻發盈警，令到不少投資者輸錢，放寬之後反而唔多見，原因是以前投資者太過倚賴港交所把關，認為能夠上市一定有實力，於是放膽買那些股票，放寬後，投資者知道要自己把關，就算發盈警都唔會令太多人輸錢。

老闆話，茶餐廳對面就是警務處，現在警務人員尚欠6000人，警務處招人是根據學歷、身高、體重、健康情况、有無犯過法，如果符合規格，有機會成為警務人員，但任何人做了警察之後，警務處唔會擔保他們不會做賊。同樣情况，能夠在香港上市的公司，一定符合港交所要求，但港交所不會擔保那些公司會不會欺騙股東或投資者，而投資者的眼光是雪亮的，他們會作出正確選擇。