《唔甩「小三」點樣復婚》

星期日去到茶餐廳，有客人話外邊有不少人講中國很「小氣」，立陶宛將台北辦事處改為台灣辦事處，中國立刻撤走外交人員，鐵路改道，斷絕經貿，立陶宛苦不堪言，總理魯吉尼埃內表示，如果兩國恢復關係，會考慮將台灣辦事處改名為台北辦事處。不過，大前提是兩國首先恢復關係，否則，就乜都唔使講。中國對立陶宛表達是已讀不回，激到魯吉尼埃內「扎扎跳」，不斷話中國好「小氣」，唔相信立陶宛。

老闆話，不能夠講中國「小氣」，茶餐廳有一個內地女性常客，佢老公因為有「小三」，兩人已經離婚，在離婚之後，佢老公生意大不如前，於是搵人同那名女客人講數，如果復婚，他會考慮撇甩「小三」。那名客人問老闆意見，老闆只是話，如果復婚之後，佢老公同「小三」繼續，唔通再次離婚？既然佢老公話撇甩「小三」，不如首先撇甩，一年後才復婚。

不過，佢老公唔肯，擔心撇甩「小三」之後，那名女客人唔肯復婚，於是情况繼續，客人老公到現在仍未撇甩「小三」，那名女客人多謝老闆提醒，否則復婚之後，估計客人老公是不會撇甩「小三」。

其實，立陶宛應該首先將台灣辦事處改回台北辦事處，一兩年之後，才要求與中國恢復關係，咁樣成事的機會很大，並不是中國不信魯吉尼埃內，而是下一任立陶宛總理未必由佢做，如果由反對派上台，大條道理話無應承過，根本唔會將台灣辦事處改回台北辦事處，唔通中國又斷絕來往？所以，魯吉尼埃內應該立刻將台灣辦事處改回台北辦事處，就算反對派上台，都唔敢輕舉妄動變返做台灣辦事處。