2026/03/26
湯文亮
星期三早上去到茶餐廳，有客人話今早入油，汽油每公升33元，真係骨罅都赤，客人記得，當原油140美元一桶，香港油價17元一公升，現在原油只是90美元，就已經33元一公升，萬一原油繼續升，去到140美元一公升，香港油價豈不是要40元一公升？車主真係難捱，油價咁貴，是否好似一般人所講，油公司加快減慢。
老闆話，香港油價世界第一，有乜辦法唔貴，油價咁貴原因並不是「加快減慢」，而是「加多減少」。「加快減慢」只會做成油價短暫時間上升，影響不是太大；「加多減少」就唔同，每次加一元之後減五毫，香港油價只會愈升愈高，與世界脫節。本來，在油公司競爭之下，唔會出現這個情况，不過，各油公司都「加多減少」，齊齊搵錢，香港油價有乜辦法唔貴。
好彩香港政府推動市民買電動車，放棄汽油車改買電動車有稅務優惠，而且金額很大，所以，有不少揸開汽油車的人都改買電動車，今次油價上升，影響都唔係咁大，反之汽油車車主就要硬食油價上升，估計有不少汽油車車主如果換車，都會優先考慮電動車，油價咁貴，真係好難捱。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
