2026/03/25
湯文亮
星期二早上去到茶餐廳，有做經濟分析的客人牙痛咁聲，佢話自美以伊戰爭開始，已經非常努力分析股市走勢，托賴亦做得唔錯，尤其是在特朗普對伊朗下了48小時最後通牒之後，美股港股都會大冧，本來是坐定粒六食糊，但特朗普突然發文話與伊朗有偈傾，最後通牒延長5日，道指不但止跌，而且大幅回升，今次真係識人好過識字。如果知道特朗普會延長最後通牒時間，就唔會話股市大冧。
老闆話，分析是沒有錯，特朗普見美軍未能如期集結，48小時之內一定不可能進攻伊朗，於是用緩兵之計，將最後通牒延長5日，話同伊朗有偈傾，而且傾得唔錯，令到大家以為美伊真係有偈傾而急速入市，前事不忘、後事之師，哈梅內伊當日都是以為美伊有偈傾而不設防，最後被美以斬首。投資者以為美伊有偈傾而急速入市，倘若美軍進攻伊朗，今日入市的人就會輸到阿媽都唔認得。
打伊朗 特朗普對庫什納言聽計從
老闆講得無錯，如果美伊有偈傾，伊朗就不會展開「真實承諾」第77輪軍事行動，最低限度都會暫停幾日，所以，這證明特朗普只是自說自話。不過，如果識得特朗普身邊一個人，就勝過所有分析，他就是特朗普女婿庫什納，現在特朗普是否會進攻伊朗，都是聽庫什納的意見，如果庫什納贊成，特朗普都唔會反對。識人好過識字，如果能夠從庫什納方面得到消息，勝過一切分析。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
