《相見爭 不如不見》

星期三早上去到茶餐廳，有客人話特朗普最終都要延期5至6個星期訪華，不過，並不是因為中國不派兵護航商船通過霍爾木茲海峽，而是他自己要留在國內，處理與伊朗的戰爭，咁樣講都似人話。不過，究竟是否真係要處理與伊朗的戰爭？

老闆話，相見爭，不如不見，特朗普要延期，處理與伊朗的戰爭不是首位，最重要是巴黎經濟會議，美國財長貝特森與中國國務院副總理何立峰的會面，雙方是否可以達成共識，照現在情况，應該未能達成共識，還需要一段時間磨合，延期5至6個星期，估計就會出現一個大家都接受的結果。而談判就是這樣的，除非實力懸殊，否則這只是一個give and take遊戲，否則，就算習特會晤，不但唔會有一個結果，反而令到雙方面阻阻，以後談判就更加困難。

客人話老闆過慮，特朗普成日話同習主席好老友，點會傾唔掂。客人唔知道，除了習主席之外，特朗普同樣話同金正恩、普京好老友，多情卻似無情，咁多老友即是無人係老友。老實說，以前我唔敢講，現在特朗普除了內塔尼亞胡、高市早苗、小馬可斯，就算加埋馮德萊恩，一隻手就可以數晒有幾多老友；當然，賴清德是很想做特朗普老友，可惜特朗普唔騷佢。