2026/03/12
湯文亮
星期三早上去到茶餐廳，有客人話，雖然全世界都希望美以伊戰爭盡快結束，但有一個國家唔想咁快完結，最好無了期打落去，最低限度打十年八載，叫大家估下一個是哪個國家。
老闆話唔使問阿貴，一定係古巴，因為特朗普講到明，搞掂伊朗之後就搞古巴，睇嚟唔可以在短期內搞掂伊朗，古巴就安全，不過就會停火，伊朗政權沒有變動，人民更加團結。今次打伊朗，不但打出個寂寞，而且勞民傷財，兼畀人起晒底，知道美國防守是大弱點，時間如果可以返轉頭，估計特朗普都唔會打伊朗。
點解美國夠膽打伊朗，因為美國在萬里以外，就算伊朗有長程導彈，都有大把時間可以截擊，以色列就唔同，畀伊朗無人機炸到溶溶爛爛，雖然伊朗仲慘，但是伊朗抱着「有前無後，打死罷就」，基本上是任炸，只要可以打返轉頭，美以就有所顧忌，和談可以爭取有利自己條件，伊朗就可以保住現有政權。
古巴睇到咁嘅情况，應該學伊朗的進攻是最佳防守，發展多些無人機及短程導彈，只要打到美國本土，最近古巴的應該是佛羅里達州，任何人做美國總統都唔希望戰火發生在自己的國家。所以，愈近美國反而愈安全，如果無能力防守，進攻就是真理。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
