2026/02/16
湯文亮
星期六早上去到茶餐廳，有客人話昨晚去了一個暱稱「落難鳳凰」、其實是物業投資者的宴會，當影大合照時，往日坐C位的幾位投資者就唔見咗影，只剩下一班比較細的物業投資者，不過，有成百人出席已經算唔錯。
客人唔明白，上周五公布的樓價指數在一個星期上升1.47％，上半年上升15%並不是難事，大多數投資者在去年都賣走不少物業，應該損失慘重，點解仲可以談笑風生。
老闆話，投資者關注的並不是損失，而是生存，能夠出席的投資者，雖然是賣走部分物業，但手上仍然持有不少，樓價回升，雖然令到賣走的物業好似「蝕咗」，但未賣走的就唔擔心銀行call loan，當銀行停止call loan，甚至恢復對物業放貸，樓市就會穩定落嚟，現在唔死的「落難鳳凰」就可以生存下去。
客人話，昨晚除了「落難鳳凰」之外，仲有不少銀行家參加，同樣是談笑風生，仲話有合適物業，銀行是會借錢畀客人買，老實說，銀行家所講的可能是客套說話，不過，銀行家願意出席，代表銀行將會放寬對物業的貸款，事實上銀行是會在樓市上升時做多啲按揭，不但風險比較小，而且仲唔使因為call loan，搞到與客戶關係唔好。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
