《如何叫子女回家過年》

星期四早上去到茶餐廳，有客人話打算叫移民外國的子女以及家人回港過年，趁近日金價大升，於是對子女說，如果他們回港過年，就會將手上100盎司黃金平均分給他們，唔返嚟就無份。但出乎意料，子女們回家的意欲不高，睇嚟今年又只得兩老過年，仲叫老闆年夜飯預埋佢，佢會帶支靚酒嚟。

老闆話，金價大升都吸引唔到子女回港過年，其實都是意料之內，最牛的投資者所持有的黃金在投資組合比例，最多不足10%，大多數是3%至5%之間，100盎司黃金，市值大約420萬港元，四兄弟姊妹，每人分100萬元多啲，一家人回港過年，起碼用30萬至40萬元，剩得60萬至70萬元，即不足10萬美元，所以興趣不大，客人問有何方法吸引子女回港過年。

老闆話以「金、木、水、火、土」五行來看，Last more important，最後的是最重要，而最後是土，即是地產，以持金量5%為投資組合來計算，客人應該有大約8000萬至1億元資產，而且大多數是物業，倘若客人對子女話，如果回港過年，每個家庭可以有一個沒有欠債的單位，老闆擔保，如果咁樣做，茶餐廳年夜飯就唔使預佢，客人的子女及家庭一定會回港陪佢過年。一個單位點計都值千萬元，陪下老豆老母過年有千萬元資產，咁嘅「工作」去邊度搵，如果仍然唔肯，真係值得恭喜，梗係自己搵到盤滿缽滿， 一個價值過千萬元單位根本唔能夠滿足他們。