2026/01/23
鄺子傑師傅
古代嘅欽天監即係而家嘅政府官員天文台台長，古代叫人做欽天監正同監副二位領班一個部門去工作💼去預測幾時落大雨☔ ️ 旱災、水災、地震喺邊度，幾時邊度發生？
清代欽天監係一個好重要嘅部門，負責皇廷一切紅白二事，皇帝🤴有冇仔生都關佢哋事嘅，其實全國所有文武官員五品以上嘅官員嘅生辰八字都耍上呈呢個部門主管作參考記錄喺記錄表上，其實邊個係貪官，邊個係清官，其八字已經算得一清二楚，皇帝係咩都知掌握清清楚而定⋯⋯
若做到欽天監正之位係正三品官位，比其他部門嘅監正高一級嘅其他部門嘅主管係正四品或五品左右，因為欽天監有關資料係國家機密🤫所以高人一等！
喺清代就算高算高中狀元大魁天下，入翰林學士編修都係正五品官員，探花榜眼再低啲品級，除非文彩特別出眾破格取錄提升，喺宋明清三個朝代其實有三種狀元可以去投考全國嘅殿試，就係文、武、欽天監（風水命理天文地理、卜筮）得到殿試第一就係狀元！正正經經嘅金飯碗，平步青雲鴻運當頭！
每日喺皇家身邊辦事，可以好快榮華富貴爬上正二品官位啊，但弄唔好👎就係問斬下場，正所謂伴君如伴虎有得震冇得瞓！ ☯ ️📚🙏小小風水典故同大家分享一下～
PS ：最後一提，晚清時期有天下術數第一之稱嘅欽天監正職位嘅金聖嘆大師，佢破解密碼解釋咗唐代推背圖嘅所有秘密出嚟，最後做到國師級係正一品官位無上光榮！
可惜佢叻又太正直誠實品格，將清朝國運算得一清二楚，大清咗幾時玩完，最後繼送喺慈禧手中話畀老佛爺知之後佢由原本係神台級嘅一品大臣變成階下囚，最後畀問斬下場⋯⋯
其實佢亦都一早已經算到自己死期已經到，慈禧太后係佢一生嘅大貴人扶持，但亦都係收佢命嘅大剋星！佢臨死前寫下嘅名句：萬般皆係命半點不由人，恨唔得怨唔得改唔得！信唔信由你～
（文章內容純屬作家個人意見，並不代表本網頁立場）
贊助
