2025/11/20
湯文亮
星期三早上在荼餐廳門口，見到有一個熟客被一個路人撞倒，那個路人不但沒有講對唔住，竟然仲話熟客是否盲了。熟客叫那條友夠膽講多一次，如果唔講多一次就要講對唔住，熟客很大隻，在他身邊的我亦很大隻，條友慌了，身邊的朋友話佢唔會講對唔住，亦唔會講多一次，匆匆忙忙連滾帶爬走了。
熟客入到茶餐廳話頂住條氣，撞佢條友又唔肯講對唔住又唔敢講多一次，究竟想點。老闆叫熟客唔好嬲，條友唔敢再話熟客係咪盲，其實已經認輸，如果講對唔住就徹底輸了。
日本女首相高市早苗話台灣有事，日本有事，立刻被中國封殺，事情愈搞愈大，有日本政壇人物暗示，估計高市早苗不會講第二次。如果是日本政府官方發表，雖然不是正式撤回，但已經認輸，應該可以接受，但只是政壇人士暗示，可信性與說服力都不高，高市再講都奈佢唔何，中國當然不能夠接受。
日本派官員到中國解釋，表示中日兩國對同一件事睇法不同是很正常，唔應該影響雙方交流，簡直是混帳，如果日本再次表示台灣有事，日本有事，中國又如何應對？所以，今次事件，即使高市早苗不撤回，日本官方亦應該正式發表聲明，日本不會再講台灣有事，即日本有事，否則，中國對日本封殺不會解除，在日本來說，雖然都是認輸，但總算保留多少薄面。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
