《比特幣與港樓價 竟然打成平手》

星期二早上在比特幣大跌之後，去到茶餐廳聽到有客人話真係想唔到，在年初時比特幣92,000美元，中原指數137點，到現在比特幣略低於9萬美元，而中原指數141點，如果唔係咁執著，雙方可以說是打成平手，問任何一個對樓市及比特幣稍有認識的人，都唔會諗到這個結果。

老闆話，傳媒對於樓價是報憂不報喜，經常報道一些劈價蝕讓。其實，即使大升市，都會出現劈價蝕讓，有乜咁出奇，反之對一些大賺、高價，甚至「摩貨」成交就很少報道。如果不是有留意樓價去向，一定以為樓市大冧，其實，今年樓市是平穩發展，但是若非行內人，真係感覺唔到。除了傳媒之外，仲有不少評論員、玄學家都唱淡樓市。不過，下半年開始，他們亦感覺到樓市氣氛有所改變，慢慢修改對樓市睇法，由下跌到平穩，甚至有分析員話年底有5%升幅，這就是識時務者為俊傑。

至於比特幣，在香港分析及睇好比特幣的分析員不是太多，投資亦不普及，至於有講及比特幣的香港分析員，大多數是拾外國分析員的牙慧，認為比特幣有機會去到20萬美元。不過，他們講還講，一般人對投資比特幣都非常小心，而比特幣最大賣點就是安全，以及神不知鬼不覺，自從知道電騙集團被駭了一筆比特幣幾年都唔敢出聲，就知道有幾安全，不過，一般香港分析員是唔敢講出事實，只會話今年比特幣有機會升到20萬美元。