2025/11/05
湯文亮
星期二早上去到茶餐廳，見到有一個客人以及他的兒子一起食早餐，兒子愁容滿面，認為剛過去的考試是失敗，客人在旁安慰他的兒子，老豆教仔，大家都唔知乜頭乜路，都係少搭嘴為佳。
客人走了之後，老闆話簡直是混帳，客人的兒子剛過去的考試仍然考第一，不過就被第二名追近了些少，根本是很開心，唔明白客人兩父子點解要喊苦喊忽。
在習特會之後，不少美國傳媒渲染話美國輸畀中國，其實同樣是混帳，美國在中美貿易戰仍然是勝利者。不過，並不像以往可以碾壓中國，在某些領域中國有話語權，唔能夠全面取勝就話自己輸，美國傳媒對美國政府的要求的確很高。
有人話，點解唔係美國輸，美國取消100%關稅，又取消50%穿透性規則，連台灣都唔敢提才換得中國放寬一年稀土管制，仲唔係輸。如果咁樣話美國輸，真係無得講，100%關稅以及50%穿透性規則是在貿易戰之前提出，基本上是從無到有，現在取消而換得中國放寬管制稀土一年，根本是贏到開巷，又點可以話輸。
至於台灣問題，美國已經打算放棄，今次只不過做一個順水人情，如果唔打算放棄，又點會收咗錢都唔畀F-16戰機給台灣，收咗錢唔畀貨都話輸，美國傳媒顛倒是非黑白的本領的確很「耍家」。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
