《「二打一」輸多過贏》

星期二早上去到茶餐廳 ，聽到有客人話在鄭麗文當選國民黨主席之後，氣勢如虹，連習主席都發電祝賀，反而民進黨賴清德就沒有表示，顯得相當小家。如果現在競選台灣總統，鄭麗文有八成機率會贏，兩岸就算唔立刻統一，最低限度都回復「九二共識」，武統的機率降低不少，台灣人可以安心一些。

老闆話，佢又唔係咁樂觀，除了民進黨人好叻選舉之外，國民黨人又好鍾意自己人打自己人，唔敢打對手，好似上一次畀民進黨大罷免，雖然到最後國民黨大獲全勝，並沒有損失一個立委席位，但唔敢反撲，唔敢大罷免民進黨立委，令人擔心在臨近總統選舉時，民進黨再一次推動大罷免國民黨立委，擾亂國民黨軍心。各立委的首要任務是如何保住自己位置，支持總統選舉變成其次，如果上一次國民黨反撲，相信民進黨唔敢再度推行大罷免，國民黨對敵人實在太仁慈，但是對敵人仁慈，即是對自己殘忍。

下屆台灣總統選舉，最大可能是國民黨並非輸畀對手，而是輸畀自己人，假如由鄭麗文代表國民黨出選，一定會令到一些元老不滿意，他們會推出自己子侄另組新政黨參選。如果講打交，二打一勝算當然較大，當如果講選舉，二打一就輸多過贏，就好似2000年台灣總統選舉，宋楚瑜另組新政黨參選，他自己亦知道一定會輸，但是為了還自己一個心願，所以一定要參選。所以，如果國民黨不分拆另一名候選人，贏面是很大的。