《突然call loan也不利銀行》

今早去到茶餐廳，有客人話以色列空襲卡塔爾，目的是消滅哈馬斯負責談判的管理層，但未竟全功，只是重傷負責保管電話的兩個人，今次真係害到美國佬。現在全世界都知道，美國軍火是有後門，今次是鎖死了卡塔爾的防空導彈，否則的話，以色列15架戰機可能會被打落8架，只得7架可以返以色列，正式「七上八落」，中東其他國家就「震過貓王」。如果以色列要炸佢哋，根本無反抗能力，咁樣，一定要搵其他國家防空系統，唔係中國就係俄羅斯。今次以色列空襲卡塔爾，令到美國軍工業損失慘重。

老闆話，香港亦有類似情况，香港銀行向商業按揭客戶call loan與襲擊卡塔爾差不多，大多數客戶都措手不及。雖然話在貸款合約清楚列明銀行可以隨時call loan，但一向以來，銀行與客戶之間有一個默契，就是客戶準時還款，除非在特別情况，銀行唔會call loan，客戶唔還錢或「躺平」是例外，銀行當然可以call loan。

一向以來，商業按揭客戶都非常信任銀行唔會突然call loan，估計在今次call loan，買樓的人對銀行都有戒心，甚至會多口問句銀行會不會突然call loan。按照以往情况，銀行職員會答如果準時還款，銀行是不會call loan，現在當然唔敢，最多會話，如果沒有特別情况，銀行是不會call loan。所以，今次call loan事件之後，銀行按揭生意會大幅下降，繼而影響金融產品、保險等銷售。突然向客戶call loan，對客戶當然是很慘，但對銀行也是不利。