2025/09/15
湯文亮
今早去到茶餐廳，老闆有行家到訪，老闆隨口問一句生意如何，行家話生意唔錯，由於午市免茶，晚市要收茶錢，午市人數明顯多過晚市，所以，行家打算晚市亦免茶，仲話此舉是參考最近地產界要求政府將100元印花稅由400萬物業提升至600萬而做出的決定。
老闆話，午市與晚市人客的消費不同，午市人均消費不足百元，10元茶錢對他們來說是很高，晚市人均消費二百幾，收唔收茶錢影響不大，不如提高員工服務以及食物質素方為上策。
地產界要求政府提高應付100元印花稅物業價值上限是政治不正確，大多數人都知道，樓市形勢已經逆轉，現在不但無專家話樓價會跌七八成，就算話跌兩三成都無。
倘寬印花稅 用家或變相多付錢
相反，大行預測樓價到年底會上升5%，不但銀行家買樓，連銀行都買樓，如果現在提高100元印花稅物業價值上限，美聯儲局又減息，一定會有很多炒家入市，幾個月之後賺一兩成就會「摸走」，變相自用買家就要畀多好多錢，這不符合政府對樓市政策。
不過，打算買那些類別物業的用家不用擔心，有消息指雖然在建制派人士壓力之下，特首仍然不接受提議，而事實上在「撤辣」之後，樓市運作正常，如果不是銀行call loan兼唔做按揭，樓價是不會跌得咁急，行內人知道是跌過龍，如果反彈，升勢亦會很急。雖然我現在賣樓，但這是由於要調整借貸比率而迫於無奈的事，事實我是叫人唔好賣樓，如果有需要又負擔得起應該大膽去買。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
