2025/08/19
湯文亮
星期一早上去到茶餐廳，有客人話有一個住公屋的親戚，以前曾經有機會以十幾萬元買返自住公屋，但當時有政治人物叫佢唔好買，仲話政府唔可以踢走他們，如果買返自住公屋，雖然價錢係平，但要負責維修，這是政府的陰謀，目的是將維持責任轉移到公屋居民。
最近，政府話佢超出住公屋資格，要收個公屋單位，現在非常呻笨，點解當日唔買咗自住公屋單位，無端端唔見咗幾百萬元。
老闆對客人話，唔好講是他親戚，就算英國政府都犯同樣錯誤，在簽《南京條約》時，英國政府要求清政府割讓香港，大家都叫這是不平等條約，而不平等條約是會轉向，弱的一方如果強大，天秤就會轉向他，所以，就出現香港回歸，聯合國都無嘢講，因為這是一條不平等條約。如果當日英國政府是向清政府買下香港，香港未必會出現回歸，因為這是一個交易。
美國人可以買就唔搶
普京與特朗普在阿拉斯加會面，特朗普軟硬兼施，地下鋪紅地氈，天空B-2轟炸機，普京不為所動，政治分析員的評論是雙方小勝，但我認為普京是輸了。不過，不是俄烏戰爭，而是阿拉斯加，今次美俄選擇在阿拉斯加會談，代表普京承認阿拉斯加是美國的合法性，而且，大家可以從阿拉斯加看美國人政治智慧。
英國人的政治智慧是可以搶就唔買，美國人是可以買就唔搶，美國人以720萬美元買下阿拉斯加，以1500萬美元買下路易斯安那州，今日都是美國的合法領土。反觀英國政府，當日強迫清政府割讓香港，但最後要回歸；如果是一項交易，今日香港可能仍是大英帝國的領土。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
