2025/07/23
湯文亮
星期二早上去茶餐廳的時候，經過佳寶，見到所有職員穿上制服，而且工作很落力，相信京東（9618）以40億元買下佳寶的傳言是真的，順便問老闆有無收到一些內幕消息。
老闆話，這不會是單一事件，內地企業收購港資企業將陸續有嚟。其實，收購早已進行，不少內地人早已買下港人擁有的物業，估計未來將會有不少港人要同內地業主租樓，想起來都很傷心，而事實上有一些香港業主不用賣走他們的物業，但被那些分析員嚇到失魂，賣走物業之後租金愈畀愈貴，真係唔知點算。
銀行要求補差額 唯有賣樓
有客人話小業主賣樓就是畀分析員嚇到失魂，但資深物業投資者點解要賣樓？老實說，唔係行內人真係唔知，真相是由於測量師將物業估價大幅調低，銀行要求按揭客戶補差額，令到借貸比率合乎金管局要求，一時之間投資者又邊度有咁多錢補差額，唯有賣走一些物業。
賣樓本來都唔難，但過去一兩年，內地買家唔係咁容易調錢落嚟香港買樓，在銀行call loan，以及供應大增下，樓價唔跌都唔得，但最近情况有所改善。除了市傳京東收購佳寶之外，亦有不少單價10億元以上的豪宅成交，估計成交個案陸續有來，有需要有能力而無買樓的人，可能錯失了買樓的最佳時機。
不過，他們並不是最慘，那些本來不需要而將物業賣走的人，最終會發覺，在他們賣樓的時候，竟然是別人買樓的最佳時機。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
