《剛買的飛機被打了「陣風」陣亡了》

星期二早上去到茶餐廳，有客人話今次印度襲擊巴基斯坦，真係賠了夫人又折兵，不但攞唔到些少甜頭，並且損失了6架戰機，當中3至4架係歐洲頂級法國製「陣風」戰機，最慘仲要畀中國網紅「豪哥哥」做了一個視頻《剛買的飛機被打了》，嘲諷九十億都白花，搞到印度要向視頻平台抗議，要求刪除所有相關視頻。

老闆話，印度只是精人出口，笨人出手，按照世界軍火交易慣例，賣方會要求買方將軍火用於防守，不能主動攻擊其他國家，否則很容易惹上外交糾紛。今次印度用陣風戰機攻擊巴基斯坦，可能在某個程度上得到默許，否則，印度是不會咁明目張膽用陣風戰機轟炸喀什米爾。

「陣風」以後難搵買家

今次印度攻擊巴基斯坦，可能是法國的一次推廣活動，今年法國巴黎航空展覧在6月16至22日舉行，陣風當然是主角，但由於陣風太昂貴，一定要揚名立萬才會吸引買家，最好做法就係搵一個絕對可以打贏佢的對手，而且自己又唔使出手，印度打巴基斯坦就合晒資格，美國亦助一臂之力，唔准巴基斯坦的F-16出戰，巴基斯坦只剩殲-10C與梟龍，這兩款戰機在法國人來看，絕對不是陣風對手，在法國巴黎航空展，法國應該接單接到手軟。

今次真係「索油索着火水」，法國想都想唔到畀巴基斯坦用殲-10C打落4架陣風，試問貴幾倍的陣風以後仲點可能搵到買家，甚至要應付已落訂的買家退錢，法國人狼狽之處，不下於印度。所以，豪哥哥應該寫首歌關於「剛賣的飛機被打了，陣風陣亡了」。