《「士碌架」最高境界》

星期二早上去到茶餐廳，大家都講起趙心童贏得世界「士碌架」大賽冠軍，有客人唔明白，乜嘢係set「士碌架」。

老闆話，set「士碌架」只是桌球中的一種技術，就好似籃球入樽，不能話入樽就是籃球，而set「士碌架」的意思就是唔畀對手打到指定的桌球；不過，現在的所謂set「士碌架」基本上名存實亡。趙心童在決賽時與對手馬克‧威廉斯打了30局，趙心童以18比12取勝，但雙方都唔知道有無做過10個set「士碌架」，就算有做到set「士碌架」，以現在「士碌架」職業球星的水準，要救一個「士碌架」其實唔難，除非是「士碌架」最高境界，否則是自己唔小心失分比對set「士碌架」為多。什麼是set「士碌架」最高境界，講大家都未必相信，就係「一葉蔽目」，即是令對手任何波都打唔到。

特朗普關稅如set自己「士碌架」

特朗普如果明白什麼是一葉蔽目，就唔會向中國發起關稅，特朗普對中國開徵關稅，目的是唔准中國貨物輸往美國，但特朗普可能唔知道，輸往美國的貨物只佔中國的輸出量11%至14%，就好似set一個「士碌架」一樣，對方有86%至89%打到指定的桌球。換句話說，成功率非常低，特朗普應該禁止中國貨物輸往所有國家，才可以令中國屈服，如果做唔到就唔應該向中國徵收關稅。

最奇怪就是特朗普除了向中國set「士碌架」之外，同時亦向全世界set「士碌架」，即是徵收關稅，特朗普唔知道咁樣做即是自己set自己「士碌架」，全世界都唔向美國供貨，最後令到美國超市的貨架空空如也，受到最大損失的始終是美國。唔通特朗普唔明白，set「士碌架」的意思是set死對手而不是set死自己。