2025/04/23
湯文亮
星期二早上去到茶餐廳，有做工廠的人客話真係唔明白，佢替一家名牌做代工做了幾年，價錢不斷下跌，近兩年基本上要蝕錢，如果不是有其他代工，工廠早已執笠，但始終不是辦法，最後唯有唔接名牌的代工。最近知道，名牌搵第二家工廠代工，費用貴了兩成，負責人不但無事，而且仲升職加薪，實在令人費解。
老闆話很多人唔知道，這是美國人性格，如果幫他們做代工而可以生存，甚至生存得唔錯，必定有壓榨空間。所以，一般買手搵代工廠，在落單的一刻是價錢最高，以後5年代工費逐年下降，如果5年之後工廠仍然生存，代表負責人壓價不力，很多時都會被炒魷，如果代工廠執笠就最好，否則，最低限度雙方都要停止合作，如果唔停止就會被繼續壓價，直至代工廠執笠。
中美脫鈎已可預見
如果大家明白美國人性格，就知道他們點解要為難中國，即使中國替他們生產出質素最佳、價錢最平的產品，美國人仍然唔滿意，對中國懷有敵意，希望中國唔掂。
美國政治人物知道美國人民性格，所以一定要打低中國，就好似今次特朗普對中國開徵高達245%關稅，令到美國物價大升，人民生活質素下降，但特朗普支持率仍然相當高，就算換了第二個人做美國總統，亦會施行同樣政策，因為美國人不能容忍中國人民生活水準提高，基本上搵唔到一個雙贏方案。
所以，中美脫鈎是可以預見的事，希望只是小脫而不是大脫。唔好鬧特朗普，他只是好似一個買手，執行美國人民意願。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
