2025/04/01
湯文亮
茶餐廳有不少內地優才、專才幫襯，但有一個現象如果老闆唔講就很少人會留意到，那些內地優才、專才的老婆，大多數是香港人，老闆曾經問他們點解要娶港女，答案是港女的確係唔同，但如果專才是女性，老公大多數是內地人。
星期一早上去到茶餐廳，老闆話慶祝港女在七欖「奪劍」，女人單人幫襯半價，與人同行就免費，不少專才叫埋老婆食早餐，大家才發覺，真是有好多優才、專才娶港女。
港女奪「銀劍」，沒有倚天萬里的豪情，但真情流露，絕不刁僑扭擰，開心就開心，令人感覺到她們開心，唔會開心都話平常心，這就是贏取優才、專才的本錢。有人話好抽象，其實大家可以再想一想，文體旅遊局長本來不是女性做，而是由一位官仔骨骨的男性做，但做到一塌糊塗，不時出錯，出錯又唔認，就算認都話唔關佢事，羅局長臨危受命，才可以令七欖完美達陣，港女的確係唔同，有人話羅局長又肥又唔靚，點解可以咁吸引，這就是港女吸引之處。
香港的硬實力有金融、股票、物流、航運、貿易等，而軟實力包括醫療、教育、馬會，現在可以加多一樣，就是港女。不少人唔同意女人是軟實力，其實，中國可以發展到咁大，女性的威力不少，當日王昭君帶隊和番，竟然將匈奴團滅，今日王昭君墓是在呼和浩特，位於中國內蒙自治區。不過，今日內地女性流行相親，一開始就問有冇樓，有冇車，有冇存款，繼而問彩禮是多少，咁樣問不但自貶身價，仲嚇走晒嚟相睇的人，益晒港女。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
