2025/03/20
湯文亮
星期三早上去到茶餐廳，有客人話在周末時去亞洲排名第56的餐廳食飯，座無虛席，的確名不虛傳，但市面又的確不太熱鬧，不少食肆及消費場所嗌晒救命， 究竟點樣才可以令香港重現夜繽紛？
老闆話，茶餐廳在周末的時間亦很靜，主要是有不少港人揸車北上消費，能夠揸車北上，大多數是有能力消費者，市面上少了三四十萬個有能力消費者，想唔靜都唔得，不少餐廳都非常閉翳，現在唯有希望政府出招打救。
正所謂來而不往，非禮也，既然有咁多港人揸車北上消費，香港政府應該放寬北車南下，根本唔會令香港交通擠塞。
有不少有錢的內地人，希望周末來港消費，例如在廣州的一家人，如果他們聘用香港7人車連司機，一日費用可能超過1萬元，港車7點就要出車，9點到達廣州，11點到香港，晚上9點回程，11點到廣州，司機凌晨1點才回到香港，咁大陣仗只得10個小時在香港，浪費太多時間，港車北上接客即使好貴，但都唔係賺好多。
但如果北車可以南下，廣州一家人可以9點出發，11點到港，晚上10點回程，在香港可以食足兩餐兼購物，費用大約三四千元，所以，政府應考慮讓北車南下，填補北上汽車的空缺。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
