《美國要求重劃美加邊界是好消息》

昨日早上去到茶餐廳，有一名從加拿大回流的客人話，「小杜」甩身，加拿大新總理卡尼就要面對美國總統特朗普的攻勢，除了美國加關稅之外，仲要求重劃美加邊界，卡尼唔知點樣應付。

老闆話，今次加拿大人作出正確選擇，對美國是鷹派的卡尼當選，特朗普唔係咁容易可以吞下加拿大，加國政府已經推出報復性關稅，殺傷力唔係咁大，但侮辱性極強。全世界都知道加拿大是美國第一號小弟，甚至是「爛頭卒」，現在作出反抗，特朗普的面子如何放得下。

事實上，「小杜」對特朗普唯命是從，但仍然逃不出特朗普掌心，被要求做美國第五十一州州長，嚇到「小杜」立刻求去，避免做賣國賊。卡尼是鷹派，特朗普唔係咁容易得逞，在任期之內很難將加拿大納入美國，唯有改變策略，要求重劃美加邊界，企圖將五大湖納入美國範圍，控制水源，逼加拿大做美國第五十一州。不過，這個世界並不是由美國話事，如果以強凌弱重劃邊界，以後這個世界只有強權，沒有公理。老闆反而認為，特朗普知道加拿大很難成為美國第五十一州，所以才會要求重劃邊界，由此反證，美國要求重劃美加邊界反而是好事。

特朗普現在做法就好似一隊足球強隊，在開賽後強攻猛打向對方施壓，希望可以在短時間內取得入球，打窒對方信心，繼而獲得大勝，所以才向全世界加關稅。但似乎事與願違，除了加拿大，歐盟亦向美國加報復性關稅，今次美國真係失威，連小弟都搞唔掂，又點可以統領全世界。我相信特朗普始料不及，唔通同小弟反面，今次真難搞。