2025/03/11
湯文亮
星期一早上去到茶餐廳，老闆問其中一個客人，有傳聞話佢將手上停車場，除了自用的一個之外，全部出售，是否對香港前途沒有信心。
客人話傳聞有誤，他的確是賣了，不過不是停車場，而是車位，那些車位屬於唔同停車場，很難管理，既然有人出到好價，點解唔賣。
老闆話明白，傳媒報道誠哥將手上幾十個港口，連同巴拿馬運河管理權打包高價出售，認同誠哥的人話佢叻做生意，唔認同的就會話佢係漢奸，誠哥點可能在全世界擁有幾十個港口，其實是那些港口的泊位或者碼頭，傳媒又沒有解釋，令人誤會誠哥是漢奸。
至於點解要賣巴拿馬運河管理權，應該是分開兩部分嚟睇，在政治上唔到誠哥唔賣，否則巴拿馬法院會判當日出售巴拿馬運河管理權是違憲，到時候可能連渣都冇，另一個是地理環境所限，巴拿馬運河是靠兩個湖來調節水位高低，以往是每日可以通過36艘船，現在由於乾旱，每日最多可以通過20艘，而且會進一步下跌至16艘，通過的船隻減少，收益自然減少，有好價點解唔賣。
誠哥其實係賣泊位 非賣港口
誠哥是地產界天花板，知道一個樓盤比較差的單位唔係咁容易出售，故此要求買靚單位的人同時要買一些質素比較差的單位，否則，樓盤質素比較好的單位全部售出，剩返那些真係很難賣，不過，今次有多少不同，特朗普自露底牌，擺明要巴拿馬運河管理權，傳聞誠哥親自操刀，賣巴拿馬運河管理權不是不可以，不過就要買埋其他泊位，一次過打包賣晒，如此大刁，邊個可以做到，但傳聞就由正變負，變成誠哥賣港口，其實是賣泊位，不是賣港口。
（本網發表的文章若提出批評，旨在指出相關制度、政策或措施存在錯誤或缺點，目的是促使矯正或消除這些錯誤或缺點，循合法途徑予以改善，絕無意圖煽動他人對政府或其他社群產生憎恨、不滿或敵意）
▸更多文章：投資心得文章 | 湯文亮 紀惠集團行政總裁
（文章內容純屬作家個人意見，並不代表本網頁立場）
贊助
