《點解財務公司數目大減？》

有打算買樓投資的老友近日向銀主盤埋手，不時出席一些銀主盤拍賣會，發覺在拍賣會的銀主盤的確係平，但沒有「靚貨」，始終買唔到啱心水的物業。老友唔明白點解銀主盤只有平貨，沒有「靚貨」。

老友唔知道，現在的業主比以往聰明得多，如果手上的物業是「靚貨」，是不會問財務機構借太多錢，因為業主知道，萬一還唔到錢，財務機構很快就會沒收物業，以銀主盤出售，亦很快會售出，不會淪落到拍賣市場；但如果不是優質項目，銀主反而唔會咁快沒收物業，他們都希望債仔可以還債，甚至還息不還本也可以。結果是優質物業當業主有困難時，很快就會變成銀主盤，不甚優質的物業反而有一線生機，是否很奇怪？

有很多人以為財務公司的生意好好做，不但借出的錢有物業抵押，而且可以收取高息，真係可以話躺着嚟贏。其實並不一定，由於受到非優質物業銀主盤的拖累，財務公司由2021年的2490家到2024年只得2110家，減少超過15%。

事實上，財務公司數目應該只有增長，不會下跌。由此可見，非優質物業的銀主盤對財務公司的影響很大，不少財務公司放貸是根據銀行的估價，而銀行只可以做四成按揭，估鬆啲是沒有問題，財務公司做七八成按揭，估鬆啲就變了八九成。樓價在近3年下跌了三成，債仔放棄按在財務公司的物業亦可以理解，太多不足價銀主盤最後亦會令到財務公司出現問題，最後連自己都唔掂，這是財務公司減少的原因。