《首道詔書要獲國民贊同》

特朗普可能唔了解中國歷史，唔知道在歷代君王在登基當日，只發一道詔書，現在叫行政指令，所以，這道詔書務必要是要得到絕大多數國民包括反對派支持，否則反對派的支持者會再次叛變，本來已經到手江山再次拱手讓人。大家又唔好以為條件咁辣，難度咁高，第一道詔書是很難擬定，其實很簡單，只要4個字，就是大赦天下。

特朗普再次「登基」，理論上是駕輕就熟，但原來是相反，畀人有手忙腳亂感覺，當日簽署多項行政指令，包括遣返非法移民，向加拿大、墨西哥開徵25％關稅，關注巴拿巴運河經營權，退出《巴黎氣候協定》及世界衞生組織。

其實，那些行政指令不需要急於一時，可以稍後才發出，萬一要緊急撤回，不但尷尬，而且令人對特朗普政府失去信心。真係好嘅唔靈醜嘅靈，在加拿大、墨西哥反撲下，特朗普要暫停對加墨開徵25％關稅，對美國威信是有所削弱，尤其是加拿大，連關稅都要撤回，又點可以要求加拿大做美國第51州。

行政指令發出後撤回 削弱威信

有老友話，雖然特朗普特赦1500名衝擊國會山莊人士，但絕對唔可以話大赦天下，究竟第一道行政指令點樣才可以得到絕大多數國民贊同，其實是有一條行政指令是可以得到絕大多數國民贊同，不過要得到鮑威爾配合，就是美聯儲局減息。

本來鮑威爾都無問題，但特朗普又要贏埋牙骹，公開話鮑威爾唔識得利率，現在應該要減息，咁樣講即是叫鮑威爾唔好減息，否則就好無面。所以，美聯儲局在最近的議息並沒有減息，特朗普隻字不提。老實說，如果特朗普上任後第一道甚至是唯一行政指令是要求美聯儲局減息，相信鮑威爾唔敢唔減，如果特朗普可以連任，相信就唔會在第一日發咁多條行政指令，只會發一條又一定可以得到大多數國民支持的行政指令，不過只是如果，特朗普無機會連任。