《銀行買債仔物業的玄機》

有老友問我，銀行買債仔物業是否合法，我唔明白老友點解會咁樣問，我認為是一個交易，絕對合法，但如果是銀主盤，銀行就唔可以買債仔物業，只可以賣畀第三者，收到款項清還貸款，不足之數可以向債仔追討，有剩就要退回畀債仔。一般來說，銀行是不會買債仔的物業，知道這是吃力不討好。

假設有銀行買入債仔物業之後樓價大升，債仔可能會告銀行強迫賣走他的物業，甚至要求賠償。不過，樓價上升好過下跌，倘若銀行買入債仔物業之後樓價大跌，一定會有人質疑銀行是否收了賄賂，放債仔一條生路。所以，銀行為了表示清白，只會沒收債仔物業變成銀主盤之後才拍賣，每一個步驟都合理合法，就算賣走之後樓價大升，債仔都唔可以告銀行。

唔好睇淡樓市 免招無謂損失

還有一個問題，銀行如果沒收債仔物業，是不用付印花稅，直至該物業以銀主盤出售，買家才要付印花稅，如果銀行唔避嫌買入債仔物業，是要即時付印花稅。所以，銀行只得一個理由買入債仔物業，就是極度睇好後市。

不過，這個理由令人困擾，大家都知道樓市下跌是因為銀行不願意借錢畀人買樓，如果銀行睇唔好樓市，又點可能買債仔物業，不如將物業變成銀主盤後出售，不足之數可以向債仔追討，除非是知道銀行將會再度批出貸款，銀行願意借錢畀人買樓，樓市想唔升都難，既然現在很難賣，不如銀行自己買入，待樓價大升之後善價而沽，並且早已得到債仔同意。由此可見，銀行雖然唔借錢畀人買樓，其實是睇好後市，大家千祈唔好睇得咁淡，否則，很容易招致無謂損失。