《王昭君點解要出塞》

有老友唔明白，點解報紙報道樓市成交，大多數是劈價蝕讓，好似樓市會大冧，其實樓價指數保持平穩，比今年最低的時候有2%回升，同時有不少賺錢的「摩貨」成交，報紙很少報道。

漢朝到了漢元帝劉奭時，已經改變對匈奴雖遠必誅的武力政策，改為用和親政策，每年送一大批美女給匈奴，改變匈奴生活習慣，甚至同化匈奴，那些美女在送給匈奴之前，會由畫師畫出她們的容貌給皇帝過目，太靚唔會送俾匈奴，那些唔想和親美女就會賄賂畫師，將自己容貌畫到好似天仙咁靚，有機會避免去塞外和親。當日王昭君並沒有賄賂畫師，畫師將王昭君畫成豆皮面，自然被選中去和親，出發當日，漢元帝發覺王昭君原來咁靚，但又唔能夠唔送畀單于，唯有將畫師斬首。

地產界成日怪責報紙報憂不報喜，只會報道劈價蝕讓，不會報道「摩貨」賺錢的成交，其實是有原因，新樓銷售對報紙業界來說是一項大收入，但大家有無見到當有新樓盤推出市場時，地產商不多在報紙賣新樓盤廣告，報紙更加要替那些推出新樓盤地產商做專訪，行內人叫那些是「鱔稿」，只會對地產商的宣傳有利，報紙是沒有得益。所以，報紙是不會替地產商宣傳，報道有利樓市消息，反而暗地裏會報道一些不利樓市成交，所以，地產界不能怪報紙報憂不報喜。

要解決這個困局亦不是很難，只要在地產商推出新樓盤時，多一點在報紙落廣告，報紙自然會投桃報李，講多一點利好樓市的成交。老實說，咁樣做對報紙亦有利，否則，當樓市掉頭回升，報紙就好似畫王昭君的畫師，沒有將真相報道出來，被讀者遺棄。